Мектеп ұстаздары мен ата-аналар өнерлерін ортаға салды

19 наурыз күні мектебімізде қазақ тілі мен әдебиеті пәндер бірлестігі онкүндігінің жабылуы мен Ұлыстың ұлы күні Наурыз мерекесі тойланып өтті.
Шара барысында ұлттық құндылығымызды насихаттау мақсатында көрісу- амал мерекесімен басталып кішкене Ақжібектің дүниеге келген сәтінен, ат қойылуы, бесікке салынуы, тілашар тойы, сырға салуы мен ұзатылуы сынды қазағымыздың салт-дәстүрлері көрініс тапты.
10-сынып оқушылары ұлтымыздың ұлы тұлғаларының шынайы образын сомдаса, бастауыш сынып оқушылары, мектеп ұстаздары мен ата-аналар да өз өнерлерін ортаға салды.
Шашу шашылып, мерекеге жиналған тойшыл қауымға, балаларға бауырсақ таратылды.